PANTHEON конференција
Најголем PANTHEON деловен настан од 2004 година
Конференцијата PANTHEON ги осветлува новитетите во законодавството, економијата и бизнисот, како и поврзаните новитети во PANTHEON. Покрај експертите од PANTHEON, на конференцијата гостуваат и признати експерти кои поттикнуваат иницијативи и овозможуваат вистински напредок во компаниите кои го користат ERP системот на Datalab, сето тоа преку презентации и интересни широки дискусии. Настанот е исто така одлична можност за различни деловни состаноци и вмрежување.
2024
15. конференција – Кога PANTHEON се среќава со технологијата
Низ целиот регион одржавме 5 настани на кои ја претставивме надградбата на програмата PANTHEON со вештачка интелигенција – нов асистент наречен AION. Покажавме како го интегриравме меѓу другите членови на PANTHEON семејството, за да може со своето знаење да помогне во развојот на технолошки иновации, здружени со вашите цели, искуства и како сето тоа компаниите можат да го искористат како своја конкурентска предност.
2022
Меѓународна PANTHEON конференција, Опатија
По повод 25-годишнината од работењето, на 29 и 30 септември 2022 година, ја организиравме меѓународната PANTHEON конференција во Гранд Хотел Адриатик во Опатија, Хрватска.
Како што сугерира името на конференцијата PANTHEON Hands-on, учесниците, со помош на експертите од Datalab, имаа можност активно, практично и од прва рака да ги испробаат новитетите и подобрувањата на деловно-информативната програма PANTHEON.
Во текот на овие два дена, бројни угледни гости и партнери зборуваа за иднината и безбедноста на работењето, електронското книжење, новитетите и понатамошната дигитализација. На учесниците им ги претставивме најновите технологии кои носат големи предизвици и истовремено незамисливи можности.
2021
13. PANTHEON конференција – PANTHEON 11 – Безбедно и поврзано
На 23 и 24 септември 2021 година, околу 260 учесници се собраа во Конгресниот центар Термана Лашко, каде Datalab ја претстави новата генерација на PANTHEON – PANTHEON 11 – каде безбедноста на податоците е на прво место. Со еволуцијата, PANTHEON 11 како ERP од нова генерација е опремен со едно од највисоките нивоа на безбедност. Акцентот беше ставен на безбедноста на податоците од крај до крај, без разлика дали апликацијата е хостирана на облак сервери или е инсталирана на сопствена инфраструктура на клиентот.
2019
12. PANTHEON конференција – Дигитализација 2019
На 8 мај 2019 година, повеќе од 340 учесници, гости и партнери се собраа за размена на искуства на 11. PANTHEON конференција. Централна тема на настанот беше Дигитализација 2019 во пракса.
Во четири сали, повеќе од 20 предавачи од Datalab и партнерски компании ги претставија методите и советите за успешна дигитализација на мали, средни и големи претпријатија.
2017
Меѓународна PANTHEON конференција, Порторож
Меѓународната PANTHEON конференција, по повод 20-годишнината на компанијата Datalab, се одржа на 16 и 17 ноември 2017 година во хотелот Гранд Хотел Бернардин, во Порторож.
Главната цел на конференцијата беше да се покажат ефикасни методи и чекори на патот кон успешна дигитална трансформација. Ни се придружија повеќе од 350 учесници, кои можеа да слушнат совети за успешна дигитална трансформација на 36 интересни предавања.
Почесен гостин на конференцијата беше професорот Џо Пепард, експерт за дигитална трансформација на компании.
Како што доликува на јубилеј, настанот го завршивме со гламурозна холивудска забава, каде што со добра храна и пијалок, до доцна во ноќта се забавувавме и танцувавме во друштво на музичката група Табу и гламурозните Концерт мајстори од Србија.
2017
10. PANTHEON конференција, Љубљана
На 24.1.2017 година, во хотелот AustriaTrend во Љубљана се одржа 10-тата јубилејна PANTHEON конференција, на која присуствуваа повеќе од 300 регистрирани учесници, спонзори и предавачи.
Во воведниот дел на конференцијата „Ефикасност и нов модел на работење“ се претставија бројни гости и експерти од компанијата Datalab, кои ги презентираа основните градежни блокови на PANTHEON X и работењето 4.0; од продажба преку набавка до заднински процеси.
Во продолжение на програмата, на настанот беа одржани над 20 различни PANTHEON работилници и стручни предавања. Партнерите, пак, во рамките на советодавната програма и во рамките на изложбените места, демонстрираа решенија поврзани со PANTHEON.
Конференцијата ја завршивме со сечење на огромна торта, по повод 10-годишнината од PANTHEON конференцијата.
2015
9. PANTHEON конференција, Љубљана
На 19 ноември 2015 година, во хотелот Four Points во Љубљана се одржа 9. PANTHEON конференција, на тема „Ефикасност, мобилност и пресвртни промени“, на која присуствуваа повеќе од 300 учесници, спонзори и предавачи.
Покрај бројните предавања на тема новитети и законски измени во програмата, со акцент на претстојните даночни каси, ја претставивме и новата генерација на информацискиот систем PANTHEON X.
Заедно со Телеком Словенија, ја претставивме и услугата Мобилна каса, која ја развија експерти од двете компании и која на компаниите и претприемачите им овозможува безбедно, едноставно, сигурно и транспарентно работење со каси во услужните дејности, во трговијата, канцеларијата или на терен.
На настанот ги слушавме бројните PANTHEON и гости експерти, меѓу другото; г. Себастијан Препадник од ФУРС, д-р Бранко Мајр, декан од ВШР, д-р Јака Вадњал и многу други гости.
2014
8. PANTHEON конференција, Љубљана
8. PANTHEON конференција на тема „Облаци, електроника и понекогаш молњи“ се одржа на 5 јуни 2014 година, во Хотел Монс во Љубљана. На конференцијата ни се придружија бројни угледни гости; г. Душан Зупанчич, директор на Здружението за информатика и телекомуникации, ГЗС, м-р Александра Миклавчич, генерален директор, Управа на Република Словенија за јавни плаќања и г-ѓа Аленка Ковач Арх, секретар на ГДУ, Сектор за даночен надзор и меѓународна размена на информации и регистар, кои во воведот претставија „Каков е патот до максимално проширување на употребата на е-фактури во Словенија?“
Следеше тркалезна маса за сметководствени сервиси: „Дали сте подготвени со нас да инвестирате во подобро утре?“
Во продолжение на овој најважен деловно-образовен настан, бројни консултанти од компанијата Datalab и гости, кои одржаа работилници и предавања за работа со PANTHEON, како и за многу други области – сметководство, е-бизнис, даноци, продажба итн.
Конференцијата беше финансиски, материјално и содржински поддржана од повеќе од 20 спонзори и партнери. Спонзорите се претставија во рамките на советодавните работилници на конференцијата, во рамките на своите изложбени места, во рамките на кратки презентации и во форма на стручни вести на веб-страницата на конференцијата. Заедно со нивна помош, за е-бизнис и информатичка технологија инспириравме 300 учесници на конференцијата.
2012
7. PANTHEON конференција, Термана Лашко
7. PANTHEON конференција на компанијата Datalab, на тема „Активно со знаење до излез од економската и финансиската криза“ се одржа на 7 јуни во Термана во Лашко. Извршниот директор на Datalab, Андреј Мертељ, во воведот заедно со соработниците ги претстави новитетите на деловно-информативната програма PANTHEON во изминатата година, а потоа следеше тркалезна маса: „Кои средства можат да ги користат претприемачите во моменталната економска ситуација?“, која ја модерираше Едита Цетински Малнар, уредничка и водителка на емисијата Права идеја на РТВ Словенија.
Во продолжение на настанот, се одржаа предавања за работа со PANTHEON, како и за многу други области – сметководство, производство, работење, даноци, продажба итн.
PANTHEON конференцијата беше збогатена со хуманитарната акција „Морска прегратка“. Компанијата Datalab, заедно со деловните партнери и бројни корисници на PANTHEON, собра 7.677 евра за три месеци и со тоа им овозможи на сите шеесет штитеници на Младинскиот дом Малчи Беличева незаборавни летни одмори.
Андреј Мертељ ѝ го предаде симболичниот чек на директорката на домот Олга Рупник Крже, а завршницата на хуманитарната акција, која се совпадна и со 15-годишнината на компанијата Datalab, беше збогатена и со одличниот пејачки настап на секогаш симпатичната Аленка Годец.
2011
6. PANTHEON Конференција, Блед
Од 1 до 2 јуни 2011 година, на Блед ја реализиравме шестата PANTHEON конференција. Зборувавме за формулите за успех во меѓународното работење. Почесен гостин на конференцијата беше г. Јанез Шкрабец, директор на компанијата Рико Хише д.о.о.
Во продолжение на програмата (првиот и вториот ден) се посветивме на разбирањето и правилното спроведување на оперативата по стапувањето во сила на ЗпреЗП и ЗДДВ-1Д, промените во PANTHEON кои ги донесе новата легислатива, како и бројни интересни теми од областа на PANTHEON, претприемништвото и сметководството.
Настанот првиот ден го завршивме со одлична забава и вечера покрај прекрасното Бледско Езеро.
2004–2010
1., 2., 3., 4. и 5. PANTHEON конференција, Порторож
PANTHEON конференцијата како едукативен настан растеше со развојот на PANTHEON и неговиот сè поголем број на корисници. Од пријатно дружење и средба со партнерите, настанот полека стана најголемиот PANTHEON настан во годината. Повеќе од 200 учесници во првите години присуствуваа на бројни предавања и опуштено се дружеа на вечерните настани.
Настанот набрзо доби и меѓународен карактер, бидејќи покрај случувањата во Словенија, настанот во иднина се одржуваше и во Хрватска, БиХ, Србија и Македонија.